VÖGLFOUCHER

Ein Schuss durch ins’re Wälder hallt,
jedoch kein Hirschlein nieder fallt.
Der Dave, der moant in seiner Noat:
Dia Hirsch, dia sein viel z’wianig broat!

Der Erb Hans in der Klåmma drein
muaß fischn nouch der Pi-irsch.
Und wous håt er dabei derfoucht?
an Unterwasser – Hi-irsch!

Die unbefleckte Jungfrau z’ trougn
do miaßet men vier Jungfern hobn,
und weil mir selche nicht bekemmen,
miaßn mir Theaterweiber nemmen.

Der Pfårrer lenkt, der Kurt heb’ ein
ob dou die Haxn lang gmuag sein?
Drum kimmt mit 70 – oder mehr
deis Loaterwagele dåher.

Man hört, dass dieser Rainer Blatt
Computer neu erfinden tat;
men hert sogår – dass i nit liag -,
er hat a Quant’nsprung – Geld kraiag.

Deis Auto håt er augelupft,
isch um die Winterroaf’n kupft,
dou kimmt der Gastls Peter drau:
sein eh vun leschtn Jahr nou drau!

Wo isch im Filz mei Haflinger?
Bua, den hat epper gstohlen!
Der Nindl tuat die Schandi her,
dia sollt’nen wieder holen.

Men håt deis Rössl g’fundn dånn
vorbei die gånze No-at,
a bissl wårs derlexnt hålt
und a a bissl to-at.

Der Sino geat nit gern zu Fuß
Drum håt er iatz an nuien Bus.
Vizenzn Reinhards Leichnwougn –
iatz kannt mer gånz wous gschissn’s sougn.

Die Fousnachtler dia brauchn iatz
jå eh an Leichnwogn,
bei dem sa nåchn-tscherggn tian,
wenn die Funzl werd begroubn.

Verwundert der Andreas moant:
„Wous stinkt denn heint a so-ou?
Ja isch denn epper gor am End
die Eva wieder do-ou?

RITTERSLEIT

Mar’andjosef, hobs es gheart,
die Orglpfeifn spiel’n verkehrt.
Der Hans tut sich die Haare raufen,
die Garantie ist abgelaufen!

Iatz isch der Weihrauch eh so tuier,
es isch ihm wurscht, er macht sei Fuier.
An Rach hobn mir in insern Kirchl
dass i’s bald nimmer mehr derzirchl.

Ja meiner Seal, es isch koa Hetz
Mit diesem „Nix mehr Rauch“ – Gesetz.
In Richtung Hefn gang die Roas.
Ob deis der Pfarrer a schon woaß?

Um dieses Unheil zu vermeidn
mir kaffn ihm – er wird’s derleidn
eine Maschin, dia Nebl macht,
na kunn er töblen Tag und Nacht.

Baut der Max vom Scharfen Eck
Terrasse und an Soul gånz keck.
Scho båld a richtigs Gåsthaus hasch,
wenn du lei öfter ausperrn tasch.

Hauptversammlung vun die Ringer
die Leit verstiahn die Welt går nimmer
serviert wird´ iatz bein Kast´ler z´letscht
Pejanis Pizza für die Gäst´!!!

Mir wissen’s gwieß, du meiner Seel,
`s isch in Pension der Kurtl Heel.
Iatz kannt er nåcha kochn toan,
bein Kastler drein, der brauchet oan.

Fluign fliagn durch deis Darfl
mit an ganz dertetschtn Larvl;
weil eppes sie empfindlich stiert:
ausquartiert vun Wannerwirt!

Bein Stanzeler, dou miaß mer frougn,
ob sie dia gånzn Fluign hobn,
wenn oamoul in den Bauhof drein
koa toata Kuah liegt und koa Schwein.

Abgelöst vom Thaler Roman
ward der ålte Fuirwehr – Obmann.
Der David hot iatz nicht meah z’tian,
iatz kannt er zu die Sänger giahn

In Hatting siecht men schiane Såchn,
dou gibt’s a jeds Jahr eppes z’låchn.
Der Christbaum auf dem Dorfplatz drüben
schaug aus wia kuit und ummigspiebn.

AUF DER SEE

Iatz bin i auf der Alm heroubn,
mecht a deis guate Essn lobn.
A Busnkellnerin war nett;
wer kimmt daher? – der Schulwart Sepp.

Boade sein se gleich dertrenzt,
der oane bovt, der and’re lenzt
und stinkn, dass das Auge rinnt,
sei Traktor und der Safferling.

Ein Hochbeet inser Pfarrer baut,
was hat dabei herausgeschaut?
A g’schoss’ner Soulet nicht erheitert.
Deis Projekt, ist sauber gescheitert.

Vom Kerschenbaum die Marmelad
mit Würmlen drein, dia schmeckt nit fad.
A Luader isch die Faschtnzeit:
A Fleischgericht – na, dös gang z’weit

A oagner Soul, des Pfårrers Traum
anstelle vun sein Lindenbaum
und Sandler im Containergårtn –
Andreas, dou wersch lång drau wårtn.

Groud’ nou schnell a Fuier gmåcht
und bei an Schnåps a bissl glåcht.
Er find’t die Zähnd nit, leider, leider;
dia brennen guat im Herd vom Haider.

Sei Auto håt er sich verhunzt,
er hat am liabstn zuachnbrunzt!
dou kimmt dem Gastl Dave in Sinn:
deis Postkastl kert als „Drive in“!

In Prax-mar die Roudlbahn
Ziachtin Sailer Bernhard magisch an.
Dass er beim Fåhr’n nit Hosa scheißt,
die Rodl er ganz obn verschmeißt.

Dou hat der Männerchor oamoul
an tollen Auftritt in an Soul
Die Judith håt jedoch koa Zeit:
Wallburgisnacht! – Dia Weiberleit!

Würst´l, Pizza, hå’m mer schun,
als nächstes kimmt a KEBAB drun.
Geaht´s weiter so, leicht meglig ist,
dass man beim KLOTZ chinesisch frisst.