VÖGLFOUCHER

Krutzitürggn ? machts di fluachn
tuasch du a gscheids Gasthaus suachn;
und manche kern zu die Schlauchn
moanen, daß mir an Golfplatz brauchn.

Der Frundl isch der Stinkendste
von insre ganzn Sänger
zum Bus bein Ausflug breichet
man für den an oagnen Hänger.

Die Bergwacht hat a nuis Patent
zun Herz-Jesu-Fuirlen brennen:
elektrisch – mit an Aggregat
toan sie zun Gipfl rennen.

Der Almausschuß, der mecht mit Salz
Lawinenschnea weckputzn;
im Albl für die Speubheifn
werd deis jedoch nicht nutzn.

Lagler Fritz und Beiler Franz
über ‘d Friedhofsordnung redn;
der Zug derweil bis Hatting fohrt –
dou stiahn se wia die Bledn.

Der Soaler Luis an Traktor hot,
an starkn und an groaßn,
der hot mit Mortls Ferguson
im Huabngaßl gstoaßn.

Beim Kirchnchor, dou woaß i’s nit
mecht koane Leit dergremmen;
lei bei der Orgl, dou isch’s gwiß,
toan manche Pfeifn hängen.

Vun Schärmer wissn mer huier nix,
Alter Sängerkamerad
mir hobn alls vergessn, Ehrernsängermitglied
sinscht laßt er ins wia vorigs Johr,
ohne Funktion die altn Keks zamm fresen.

Der Bürgermoaster Schletterer
der hots iatz a viel netterer;
doch Ehrernbürger tuat nix nutzn
in Schofstall muaß er selber putzn!

Den Friedl treibt die Politik durchs Dorf –
deis isch a Greil
tat lang schon gern heiretn
hot oanfoch it derweil.

Betriebsausflug im Schärmerhof
ohne Paß toans zwoa dertappn
bei der Grenz zum Ungarland –
Koch und Kellnerin warn dia Lappn.

Gemeindetraktor hobns an nuien,
deis isch a gonz a groaßer,
dafür der nuie Heiptling isch –
a Dozn, gonz a hoaßer.

RITTERSLEIT

Die Burgfrau, Margit Drexl
und isch se’ auf’n Hauf’n ob’n
isch a ganz a wildes Hex’l,
dou miaß mer oan um’s Zind’n frogen,
laßt Weiberleit in’s Gasthaus rennen
do moch’n mir koa qroaßes Gschieß
iatz wer mer se halt decht verbrennen.
i moan der Sergio tat’s ins gwieß.

Und der Ritter Fred der Geier
bot zwoa riesengroaße Bing’l
denn er hatte ein Turnier
mit an Schrank’n nach 12 Bier.

Und der Ritter Dieter Gstir
hat baut an Trichter vor der Tür,
daß er gschliaft der alte Mulli
wenn er hoamkimmt mit an Tulli.

Kössler Manni im Rapoldipark,
der war ermüdet zeimlich stark
und kaum daß er si’ niederhuckt
hat ihm a Sandler oane druckt.

Happy der Parade-Putz
kriagt an Panzer zu sein Schutz
weil kam hat er eine Maschin’
isch diese auch schon wieder hin.

Der Flak, der Melcher dei zwoa Ritter
– ja dei Sauftour – dei war bitter,
der Sani tuat am Bod’n beit’n
grad nimmer in die Eier treit’n.

Und der Ritter Martl’s Peter
menschensgott isch des a Kneter.
fahrt Schi als wia a wilde Sau
hat allweil nou die Folie darau.

Einsam flog ein Mann durch’s Dorf
weil’s ihn über ‘s Auto worf
ein Mountainbiker ohne Glanz
es war der Badewasch’l Franz.

Und der Rittersmann von Hois
einen Hirschen einst derschoiß,
wia er ihn wollte aufklauben
tat dieser ihn ins Aug’ schaugen.

Und die Rittersfrau Christin
ja dia schmeißt ihr Mandant uns hin,
mei werd do der Peter lachen,
iatz kamt’ er wieder Kinder machen.

Eine Wahl geschlagen ward
und die Kämpfe waren hart
der Bürgermoaster der hoaßt Heel
und nicht Hurmann Friedel.

GSTANZLN

Auf der Tankstell do sig’ men – Leit mit roate Lasch’n
weil der Palfinger Hans tuat so monchen hertasch’n.

Im Angerweg bauen’s Verkehrsinseln ein
dia sein für die Katz und die Hund scheihn drein.

Is isch für die Leit wia in Rußland – lang unstian – nix kriag’n
wenn in Pfarrer beim Kirch’n die Hostien ausgia’n.

Daß koaner mehr lang um die Hostien muaß raff’n
zum Selbermachen in Pfarrer an Toaster mir kaff’n.

Nach der Prob’ Franz und Erich zum Prisl’n sein gloffen
lei so lang wia dia soach’n isch die Schualtir nia offen.

Der Falkner der kunn in der Nos’n iatz bohr’n,
weil sein Porsche den hat er auf’n Highway verloren.

Es werd’s es nit glaben wos ich euch jetzt sag’
mit’n Paß von der Nelli kimmt der Franz bis nach Prag.

Von Mull ausanand klaub’n der Dave gor als woaß
nur mit’n Traktor in Reutte do faht er in Kroaß.

Der Wimmer isch 60 men sig’s an die Haar
tiat’s die Surtruch’n außa vorbei isch die Gfahr.

Vom Zimmermann zum Bert’l der Rach ummi stinkt
dafür heb’n die Äpf’l weil dia sein verzinkt.

Beim Ausflug vom Jahrgang hat sie a Roaf’n überholt – 54er Jahrgang
ja dei und ihr Auto sein für’n Verkehr halt schun z’alt.

Ein Hirsch kam nach Hatting der hatte ein Loch
dort legt er sich nieder dann starb er der Zoch.

Die Hattinger sog’n des ham mir nit gwöllt
kaltets es enk die Hirschen und ins geb’s des Geld.